விரைவில் வருகிறது... ஸ்டார் ஸ்போர்ட்ஸ் 2 தமிழ் & எச்டி சேனல்கள்! முழு விவரம் இதோ!

ஸ்டார் ஸ்போர்ட்ஸ்

தமிழில் மட்டுமல்லாமல் இந்திய அளவில் மிகப்பெரிய ஸ்போர்ட்ஸ் சேனல் ஆக உள்ள ஸ்டார் குழுமத்தின் ஒரு பகுதியான ஸ்டார் ஸ்போர்ட்ஸ் நெட்வொர்க் ஆனது தற்போது அடுத்த கட்ட நகர்வாக தமிழிலும் இரண்டாவது ஸ்போர்ட்ஸ் சேனலாக ஸ்டார் ஸ்போர்ட்ஸ் 2 தமிழ் மற்றும் ஸ்டார் ஸ்போர்ட்ஸ் 2 தமிழ் எச்டி போன்ற சேனல்கள் கொண்டு வரவிருக்கிறது. 

ஏற்கனவே ஸ்டார் ஸ்டார் நெட்ஒர்க் மற்றும் ரிலையன்ஸ் டிஜிட்டலின் ஒரு பகுதியான ஜியோ இணைந்து ஜியோ ஸ்டார் என்று பெயரிட்டதோடு மட்டுமல்லாமல் அவர்களுடைய 2025 க்கான ட்ராயின் புதிய விதிமுறைப்படி சேனல்களின் விலை பட்டியலை வெளியிட்டனர் என்பதும் குறிப்பிடத்தக்கது. 

ஸ்டார் ஸ்போர்ட்ஸ் தமிழ்

ஸ்டார் ஸ்போர்ட்ஸ் 2 தமிழ் எச்டி சேனலைப் பற்றி பார்க்கும் முன்பு ஸ்டார் ஸ்போர்ட்ஸ் 1 தமிழ் சேனல் பற்றி சற்று அறிவோம். 2017 சாம்பியன்ஸ டிராபியின் தொடக்கத்தின் போது ஸ்டார் ஸ்போர்ட்ஸ் 1 தமிழ் ஆனது தொடங்கப்பட்டது. சரியாக சொல்ல வேண்டுமென்றால் மே 28 வருடம் 2017 ஆகும். 

இந்த சேனல் ஆனது தொடங்கப்பட்ட காலத்தில் இருந்து மக்களிடையே மிகப்பெரிய வரவேற்பு கிடைத்திருந்தது. ஏனெனில் அதற்கு முன்னால் தமிழ் வர்ணனை வேண்டுமென்றால் விஜய் டிவி, கே டிவி, கலர்ஸ் தமிழ் அல்லது விஜய் சூப்பர் போன்ற சேனல்களில் மட்டுமே முக்கியமான நிகழ்வுகளில் தமிழ் வர்ணனை கேட்க முடியும். ஆனால் ஸ்டார் ஸ்போர்ட்ஸ் தமிழ் சேனல் வந்த நாளிலிருந்து இந்த நிலை மாறியது. 

பிற்காலத்தில் இந்த சேனலின் எச்டி வடிவமும் வெளியிடப்பட்டது. ஸ்டார் ஸ்போர்ட்ஸ் சேனல்களின் அடுத்த கட்ட நகர்வுக்கு ஜியோ உடன் இணைந்த இணைப்பு பெரும் உறுதுணையாக இருக்கும் என்று பெரும்பாலும் நம்பப்படுகிறது. அதன்படியே தற்போது ஸ்டார் ஸ்போர்ட் 2 தமிழ் & அதனுடைய எச்டி சேனலானது தற்போது வரவிருக்கிறது.

ஸ்டார் ஸ்போர்ட்ஸ் புதிய சேனல்கள் 

ஸ்டார் ஸ்போர்ட்ஸ் 2 தமிழ் மற்றும் ஸ்டார் ஸ்போர்ட்ஸ் 2 தமிழ் எச்டி மட்டுமே இந்த பகுதியில் நாம் பார்த்து வருகிறோம். ஆனால் இதில் குறிப்பிடத்தக்கது ஸ்டார் ஸ்போர்ட்ஸ் 2 தமிழ் & அதனுடைய எப்படி சேனல் மட்டுமல்லாமல் ஸ்டார் நெட்வொர்க் தரப்பில் மேலும் மூன்று மொழிகளில் 5 ஸ்போர்ட்ஸ் சேனல்கள் வரவிருக்கிறது. அவை, 

• ஸ்டார் ஸ்போர்ட்ஸ் 2 ஹிந்தி 
• ஸ்டார் ஸ்போர்ட்ஸ் 2 ஹிந்தி எச்டி
• ஸ்டார் ஸ்போர்ட்ஸ் 2 தெலுங்கு 
• ஸ்டார் ஸ்போர்ட்ஸ் 2 தெலுங்கு எச்டி
• ஸ்டார் ஸ்போர்ட்ஸ் 2 கன்னடா

அது பற்றிய விவரங்களை கீழே உள்ள படத்தில் காணலாம்:

ஸ்போர்ட் 18 சேனல்கள் மறுபெயர் இடப்படுமா?

இந்த புதிய சேனல்களுக்கான நகர்வு மற்றும் ஜியோ ஸ்டார் இணைப்பு புதிய ஒரு எதிர்பார்ப்பையும் மக்களிடையே ஏற்படுத்தியுள்ளது. அதாவது நடக்கவிருக்கும் இந்தியா மற்றும் இங்கிலாந்துக்கு இடையான ஓடிஐ போட்டியானது ஸ்போர்ட்ஸ் 18 2 ல் தமிழ் வர்ணனையும், ஸ்போர்ட்ஸ் 18 3 ல் தெலுங்கு வர்ணனையும் நடக்க இரப்பதாக அறிவிப்பு வெளியாகி உள்ளது. 

இது ஒருவேளை சேனல்கள் பெயர்மாற்றம் செய்யப்பட போவதற்கான அறிகுறிகளாக இருக்குமோ? என கேள்வி எழுப்பி உளளதுஸ். அதாவது, போர்ட்ஸ் 18 2 சேனல் ஆனது ஸ்டார் ஸ்போர்ட்ஸ் 2 தமிழ் சேனலாகவும், ஸ்போர்ட் 18 3 சேனல் ஆனது ஸ்டார் ஸ்போர்ட்ஸ் 2 தெலுங்கு சேனலாகவும் மறுபெயரிடப்படுமா என்ற அதிர்வலைகளை ஏற்படுத்தியுள்ளது.

எது எவ்வாறு ஆயினும் தற்போது வரை அது குறித்த விவரங்கள் ஏதேனும் ஜியோ மற்றும் ஸ்டார் தரப்பில் கிடைக்கப் பெறாததால் இது வெறும் வதந்தியாகவே தற்போது உள்ள சூழ்நிலையில் பார்க்கப்படுகிறது. 

இது குறித்த உங்களுடைய கருத்துக்களை கீழே உள்ள கமெண்ட் செக்ஷனில் பதிவிடுங்கள். இந்த கட்டுரையை இவ்வளவு நேரம் செலவிட்டு பார்த்த அன்பு நெஞ்சங்கள் அனைவருக்கும் நன்றிகள்.